{"s":"dev","lang":"hi","v":{"doha-1":{"l":["निश्चय प्रेम प्रतीति ते, बिनय करैं सनमान।","तेहि के कारज सकल शुभ, सिद्ध करैं हनुमान॥"]},"chaupai-1":{"l":["जय हनुमंत संत हितकारी।","सुन लीजै प्रभु अरज हमारी॥"]},"chaupai-2":{"l":["जन के काज बिलंब न कीजै।","आतुर दौरि महा सुख दीजै॥"]},"chaupai-3":{"l":["जैसे कूदि सिंधु महिपारा।","सुरसा बदन पैठि बिस्तारा॥"]},"chaupai-4":{"l":["आगे जाय लंकिनी रोका।","मारेहु लात गई सुरलोका॥"]},"chaupai-5":{"l":["जाय बिभीषन को सुख दीन्हा।","सीता निरखि परमपद लीन्हा॥"]},"chaupai-6":{"l":["बाग उजारि सिंधु महँ बोरा।","अति आतुर जमकातर तोरा॥"]},"chaupai-7":{"l":["अक्षय कुमार मारि संहारा।","लूम लपेटि लंक को जारा॥"]},"chaupai-8":{"l":["लाह समान लंक जरि गई।","जय जय धुनि सुरपुर नभ भई॥"]},"chaupai-9":{"l":["अब बिलंब केहि कारन स्वामी।","कृपा करहु उर अंतरयामी॥"]},"chaupai-10":{"l":["जय जय लखन प्रान के दाता।","आतुर ह्वै दुख करहु निपाता॥"]},"chaupai-11":{"l":["जै हनुमान जयति बल-सागर।","सुर-समूह-समरथ भट-नागर॥"]},"chaupai-12":{"l":["ॐ हनु हनु हनु हनुमंत हठीले।","बैरिहि मारु बज्र की कीले॥"]},"chaupai-13":{"l":["ॐ ह्रीं ह्रीं ह्रीं हनुमंत कपीसा।","ॐ हुं हुं हुं हनु अरि उर सीसा॥"]},"chaupai-14":{"l":["जय अंजनि कुमार बलवंता।","शंकरसुवन बीर हनुमंता॥"]},"chaupai-15":{"l":["बदन कराल काल-कुल-घालक।","राम सहाय सदा प्रतिपालक॥"]},"chaupai-16":{"l":["भूत, प्रेत, पिसाच निसाचर।","अगिन बेताल काल मारी मर॥"]},"chaupai-17":{"l":["इन्हें मारु, तोहि सपथ राम की।","राखु नाथ मरजाद नाम की॥"]},"chaupai-18":{"l":["सत्य होहु हरि सपथ पाइ कै।","राम दूत धरु मारु धाइ कै॥"]},"chaupai-19":{"l":["जय जय जय हनुमंत अगाधा।","दुख पावत जन केहि अपराधा॥"]},"chaupai-20":{"l":["पूजा जप तप नेम अचारा।","नहिं जानत कछु दास तुम्हारा॥"]},"chaupai-21":{"l":["बन उपबन मग गिरि गृह माहीं।","तुम्हरे बल हौं डरपत नाहीं॥"]},"chaupai-22":{"l":["जनकसुता हरि दास कहावौ।","ताकी सपथ बिलंब न लावौ॥"]},"chaupai-23":{"l":["जै जै जै धुनि होत अकासा।","सुमिरत होय दुसह दुख नासा॥"]},"chaupai-24":{"l":["चरन पकरि, कर जोरि मनावौं।","यहि औसर अब केहि गोहरावौं॥"]},"chaupai-25":{"l":["उठु, उठु, चलु, तोहि राम दुहाई।","पायँ परौं, कर जोरि मनाई॥"]},"chaupai-26":{"l":["ॐ चं चं चं चं चपल चलंता।","ॐ हनु हनु हनु हनु हनुमंता॥"]},"chaupai-27":{"l":["ॐ हं हं हाँक देत कपि चंचल।","ॐ सं सं सहमि पराने खल-दल॥"]},"chaupai-28":{"l":["अपने जन को तुरत उबारौ।","सुमिरत होय आनंद हमारौ॥"]},"chaupai-29":{"l":["यह बजरंग-बाण जेहि मारै।","ताहि कहौ फिरि कवन उबारै॥"]},"chaupai-30":{"l":["पाठ करै बजरंग-बाण की।","हनुमत रक्षा करै प्रान की॥"]},"chaupai-31":{"l":["यह बजरंग बाण जो जापैं।","तासों भूत-प्रेत सब कापैं॥"]},"chaupai-32":{"l":["धूप देय जो जपै हमेसा।","ताके तन नहिं रहै कलेसा॥"]},"doha-2":{"l":["उर प्रतीति दृढ़, सरन ह्वै, पाठ करै धरि ध्यान।","बाधा सब हर, करैं सब काम सफल हनुमान॥"]}}}